لكل عاشق

السبت ديسمبر 24, 2011 8:00 pm

من كثر ما خاويت ونغدر بيه *** كامت ركبتي تخاف حتى منديه

يا كمر تالي الليل سمعني الاخبار *** نايم حبيب الروح لو مثلي محتار

من فاركتني ليش ما موتتني *** اعتب عليك شلون طيب عفتني

عندك برود اعصاب ياهو اليلحكك *** وانته عكس الناس تجرح واحبك

لو ما حسك وياي شلي بحياتي *** انته العطر ويفوح من ذكرياتي

شكثر عندي هموم شابكهة همي *** تنجلي وكلهة تروح بس أذكر امي

امشي بظلام الليل واعبر جزيرة *** كلمن يكول انساك ماعندة غيرة

تدري شوكت انساك واقنع بلوداع *** من تسمع انت بيوم دود النجف جاع

جرّبت كل الناس محّد وفالي ..... مااثق بعد هيهات حته بخيالي

غيمة وعصرني الشوك مابية احجي *** والغيمة من تشتاق تلكاها تبجي

اتمنى امر عالدار واشتم عطركم ...واكتب على البيبان دمرني حبكم

روحي بطبعه وياك كلش تحبك ومرادف الدكات كلبي ويه كلبك .

الحشر تنشد ليش ماتدري يمتى ***الحشر عندي يصير من تبعد انتة

لو قلبي لحظه وياك خان بمعزته *** ازرعله ست عبوات واشعل صفحته