لكل عاشق

وكع كلبي عكب فركاك وانهار
واريد ابجي عليكم لليل وانهار
بحر من الدمع سويت وانهار
عزيز وغيبتك صعبه عليه

احبابي شلون حالتكم ..بعدنه..
يلعن ابو الزمن العنكم..بعدنه..
اذا نسيتونه احنه..بعدنه..
نذكر شوفتكم كل صباح وكل مسيه

حزينه الروح وبغيابك شعرنا
وقصائد بيك يمدلل شعرنا
ألشعر لو شاب مانصبغ شعرنا
شبابي أيعود من تسئل عليه


حبيبي من ورا التيغة وبصلة
واريدة لو على خبزة وبصلة
نعلةالله عل ابو الواشي وبصلة
الفرك روحيينا الجانت سوية


شفت اسهام من عندك وصد يت
وابد مايوم زاعلتك وصد يت
ذهب وشغير اطباعك وصد يت
وفقط زنجار غيضك هل عليه


المصايب حولن يمنه واناوين
حسين بيا وضع وينه واناوين
الخنساءالاربعه ونت واناوين
على سبعين راحو من اديه

الي ما يوفي بصحبته ماأرضى عنه
والبشر يطلع على الي مرضعنه
حبيبي كَدام عيني ماأرضى عنه
نكر عشرتي وسد بابه عليه


أوان الفرح ننطر ماكو أوانه
وولا ظل ظيم بينه ما كوانه
أباوع بالمرايه ماكو آنه
ضعت ما شفت بس هدوم بيه