مقاطع شعريه جميله

الخميس مارس 15, 2012 7:51 pm

فتت من باب بيتك والدمع سال
بچيت وطاح مني نظر عيني
عميت وردت أوصل عتبة البيت
إجتني العتبة من سمعت ونيني

گلناله حلو وبس الله يدري شلون
صرنه عيون كلنه ومنه مانشبع
گلناله الشمس بس تطلع انته تغيب
عله اعناد الشمس كل ساعة ظل يطلع

مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من گد الألم عظ اعله شفته

بعيونك سحر يسجدله كل سحار
واليخزرك هلاك والله يستر
إذا برمضان تطلع انته فد يوم
تشوفك عيد كل الناس تفطر