مجموعه شعريه

الأحد سبتمبر 09, 2012 12:59 am

دربي ويا دربك تاه وتيهت لدروب
..عتابي علحسرات والفركه هلنبوب

لا تضن راح انساه جرحك ولهموم
.. بيه من اللأم ولآه أكواني ملموم

لا تضن يوم انساه قلبك وأضده
..ولا انسه انا وعود حبل الموده

كلت انسه انا أسبوع واشوفه حالي
.. تالي بغيابه لكيت الهم صفالي

حلو انت ومدلل لايكلك لثوب
..بس الغرور البيك زيدته فد نوب

عم اني من فركاك تيهته للبيت
.. جفتت علجيران وللهول طبيت

عشكتك اني هواي عشكك زماني
.. ولاصدكت فديوم شامت اجاني

حضنو انتو المخاديد الردتوها عني
.. وشوفو لبرود اهناك واتمنو حضني

مو بس امنية تصير حلم انا اخلي
.. حضني انا لليهواه مو للغدر بي

مو كتلي انته الروح وحافي اني اجيلك
.. قبلك اجت الجروح وضيعت دليلك

هم انت من فركاي ماليتك هموم
.. كاره ليالي الشوك وتتمنى مدوم؟

لومن ليالي لشوك تعبان ومليت
..ناسي الحنين لجان وعني تخليت؟

عمي انت مو تلميذ بالغدر انت استاذ
..وبيك لطعن اطباع وتستلذ بيه الذاذ

بس ارد اكلك شي ماتفرق وياي
..بيك انت كطرة غدرمن بحوردنياي