عكب جرحك

الثلاثاء فبراير 07, 2012 6:14 pm

عكب جرحك صفت روحي سراب
ميت لاتضن فديوم يعدل

كضى وكتك مثل ماخلص وكتي بيوم
وانه اعرف بس طعنات مشتهى المنجل
...
بعش الحيايه راح اخلي اسرار
وطيرك بس يمر بلسعه السر ينكتل

بعد كلمه احبك ماتجي وياي
لان بأحساسك احسنهه ترتل رتل

تدري حتى الورد من سولفتله عليك
من كثر حبي الك مني خجل

وكال هذا مايستاهل ذيج الدموع
والورد جان اول واحد ينسئل

وسئلت الفراشه البيهه حلمت بيك
وكتلهه عن سواليفك والحصل

وسمعت كلمه من الدرب يحجي بيك
حتى الدرب كثر غيضه وانفعل

وخليت الجرح بالدرب وامنته بي
وانته على دربك جبته وسحلته سحل

جنت من خيوط الشمس الضملي بيت
وصرن شاعر وكتبت احلى الغزل

وشلتك من طحت وبجفك السجين
واثر طعنك لاخر ضلوعي وصل

عقرب كلبي ضل يفتر بالسنين
دور مالكى وبنص الجرح نزل

وعيني الجانت توكف احتراما لجل ملكاك
ماتشوفك بعد هسه انت صبحت ضل

سواليفك هوى وجروحي دولاب
جرح يصعد بكلبي وجرح ينزل

كبل جانت روحي بغيابك تبجي اليتيم
بغيابك بس الضحك عليهه كام يحل

وراح اشتلك فراك وبعد للدوم
مثل ماباالضهر بس طعنات تشتل