عراق الخير

السبت يناير 14, 2012 2:04 pm

عراق الخير محد ناصفه بيوم
ولا ملت سماه تمطر مأسي
برغم خيراته فاضت عالجوارين
حطم بالظلم رقمه القياسي
زلم عنده غفوا باحضان عدوان
وفرغ جيبه ورجعله الجان ناسي
اجو مثل الجراد الهالكه الجوع
انطبع بيهم سوى الحلم الرئاسي
صفت ببطونهم خيرات العراق
ومصايبهم صفت كله اعلى راسي
التركنه بيوم جنه بعازة ارجال
رجع هسه ويسمونه السياسي
العاف تراب اهلنه وماطردناه
ليش يرد علينه وكلبه قاسي
موكافي مذابح كافي تجويع
كافي يظل ولائي لغير ناسي
ابتلينه وشلنه جنسية هالعرراق
قابل نطلع انبدل الجناسي
اموت بأيد اخوي بلايا اسباب
اليهود استنكرت ذبحي وتواسي
عليمن حاربت كل هاي السنين
والمن جندت تعبي وحماسي
حتى تموت كاعي وينسبي الماي
ويجيني ابن الزنا ايهدم اساسي
كون الشعب يصحى ويحكم اعدام
على الارذال رجما بالكراسي