الرئيسية
الأحداث
المنشورات
أحدث الصور
التسجيل
دخول
Muhannad Genieعضو متميز
- الجنس :
عدد المساهمات : 1021
المزاج : وانته شنو
العمر : 33
تاريخ الميلاد : 29/04/1991
النقاط : 1878
العمل : Consultant Dr.
MMS :
ابوذيات
الإثنين سبتمبر 17, 2012 10:23 pm
ايكَولون باجر شمس تطلع على الديره
ويمر قطار العرس ياخذ نواطيره
ونتعلم البسمات
ونودع الدمعات
ويروح ضيم الأمس هوَ وتصاويره
ايكَولون باجر شمس تطلع على الديره
-----
وين الله ننسه القهر ياواحة الامال
من بعد ذاك الصبر تتعدل الاحوال!
ياليل جيب الصدى من يصدح الموال
وَصلَه ومضة أمل للعايش ابحيره
ايكَولون باجر شمس تطلع على الديره
-----
ماله مضيف الكرم شو دمعته ابعينه
ابلا كَهوة بس الدمع تارس فناجينه!
يازمن وك يازمن للماضي رد بينه
الريحة اَهلنه وطن طار ابجنح طيره
ايكَولون باجر شمس تطلع على الديره
-----
واقع وَكِتنه وَكِح عالمنه مو عالم
المظلوم من انذبح صَفكَوا للظالم
والفوز للما نجح! والدمعة للفاهم!
والضحكة طلعت جذب وانغشت الليره
ايكَولون باجر شمس تطلع على الديره
-----
نصبت
روحي عَزاء ابنص الليل نصبت
لأن روحك عداوة اوياي نصبت
ابتوت الكَلب بادت بقى نص بت
الصبح ما ظنتي اتلحك عليه
-----
كَبرنه
بعدنا ازغار بس الهَم كَبَرنه
ولا متوالم اويانه كُبُرنه
اشلون ابغربة لو حفروا كَبُرنه
كَبُر ضايع غَريب وماله جيه
----
خَله
هسه لا تلوم الكَلب خَله
تَراه مَجروح والجارحه خِله
وصارت بيه ابطعنت غدر خله
بس ايطيب صُب لومك عليه
صلاحيات هذا المنتدى:
لاتستطيع الرد على المواضيع في هذا المنتدى