ابوذيات

الشعر لاجلك يابو الطيبات ينظام
لمثل شخصك بوسط العين ينظام
عدوك بالكبر ياريـــــــــت ينظام
وتظل انت ذخر فـــــــوق الوطيه
ــــــــــــــــــــــــــــــــــــــــــــــــــــــ
عقد ياقوت ذرعانك وفضــــــــــــــه
على المخلوق اطش حسنك وفضـــه
حسابي وياك اريد اكعد وفضــــــــه
واحجي اللي والمـــــــــــــــــــــو اليه
ــــــــــــــــــــــــــــــــــــــــــــــــــــــــــ
حكت قلبي بمحبتك وانت حبه
ولك خلي اليحبك وانت حبه
ياريت القلب رحه وانت حبه
واظل افتر لمن تنطحن بيه
ـــــــــــــــــــــــــــــــــــــــــــــــــــــ
قلم قلبي تدين ورقه منــــــــــــك
لأن ماكو بجمالك ورقه منــــك
اريد اسجلك بالاول ورقه منك
واكتب بس محجوز اليــــــــــه
ــــــــــــــــــــــــــــــــــــــــــــــــــ وشكرا مع تحياتي

قلم قلبي تدين ورقه منــــــــــــك
لأن ماكو بجمالك ورقه منــــك
اريد اسجلك بالاول ورقه منك
واكتب بس محجوز اليــــــــــه
------------------------------------------
الله الله خصوصا هذا المقطع حلــــــــــــــو حلــــــــــــــــــو

حبيبي العمر يركض مايتاني¤وناالعطشان منك منك مايتاني¤تعال اليوم باجر ميت اني¤لوباخر نفس تلحك عليه


وحك روحي التحبك ولتهابك¤جمر بعدك جواني والتهابك هايم بيك عقلي والتهابك¤جذب مثلك عزيز يصير اليه