وصلنا 2013 وما زال الشعب العراق

الإثنين يونيو 11, 2012 3:58 pm

وصلنا
2013 وما زال الشعب العراقي:

1.
ما زال الشعب العراقي إذا شاف أخوه الصغير ويا جبس يكولة أفتحلكياه؟؟؟ حتى
يأكل منه... .

2. وما زال الشعب العراقي يعد: واحد ثنين ثنين وربع ثنين نص، يستخدمها الأخ
الجبير قبل لايكفخ أخوه الصغير... .

3.
وما زال الشعب العراقي إذا شافك راجع من الجامع يسالك: ها خلصتوا صلاة؟؟؟ لا
الإمام إنطانا فرصة... .

4.
وما زال الشعب العراقي إذا إشترى صمون حجري لازم يأكل الكمع قبل لا يوصل
للبيت... .

5.
وما زال الشعب العراقي إذا دخل للبيت وشافة مرتب يسأل لا شعورياً: شنو
جاي يمنة اليوم خطار؟؟؟... .

6.
وما زال الشعب العراقي إذا سألته وين فلان؟؟؟ يحط إيدة بجيبة يكولك: لحظة
خلي أطلعة... .

7.
وما زال الشعب العراقي إذا خلص الشامبو يملي مي...

8.
وما زال الشعب العراقي يملي قواطي الكيكوز ويحطها بالمجمدة.. .

9.
وما زال الشعب العراقي يجمع شيش المعجون الفارغة ويحط بيها ملح وبهارات... .

10.
وما زال الشعب العراقي يغسل كلاصات جبن كرافت ويستخدمها بالبيت للجاي أو
الماي. .

11.
وما زال الشعب العراقي إذا عـَلـَّك ال سي دي يطلعة يتفل عليه ويمسحه
بهدومه.. .

12.
وما زال الشعب العراقي إذا دخلت سيارتة بطسة يكول: آخ آخ آخخخ... .

13.
وما زال الشعب العراقي إذا حس بالملل يروح يفتح الثلاجة ويصفن بيها ونوبات
يشرب مي وهو مو عطشان... .

14.
وما زالت المرأة العراقية إذا صعدت على الميزان تكول لا عينييييي ميزانكم
خرباااااان....

15.
وما زال الشعب العراقي إذا فتح الموطة يلعق القبغ والقوطية... ههههه.

16.
وما زال الشعب العراقي إذا دخل لغرفة بيها ثنين يسألهم: شدتسوووووووووون... ههههه.

17.
وما زال الشعب العراقي إذا سألتة صليت؟؟؟ يكولك ليش أذذذذذن؟؟؟....

18.
وما زال الشعب العراقي إذا راح للخلاء (تواليت) يجيب وياه كلمات متقاطعة من
مجلة لو جريدة ويكعد يحلها (طابتله الكعدة) ... ههههه.

19.
وما زال الشعب العراقي كل ما إجتي حكومة تحكمه يكول الله يرحم الحكومة
الكبلها... ههههه.

20.
وما زال الشعب العراقي يدور هجرة لو لجوء لأي دولة (حتى لو الصومال) متخيل كل
الدول أحسن من عدنة... ههههه.