هاك الكلب اخذه وياك

الإثنين يونيو 04, 2012 6:00 am

هاك الكلب اخذه وياك يفلان
ولتكلي أحلفك .. يوم مرجوع

حال الشمع حالي وفركتك نار
كَبال النار كلي تعيش الشموع؟

شلي بعيني بعدك ياضوه العين
وانه لجلك حبيبي انذرت الدموع

تمر أنته بصفتني وأنه أحتار
البصدري كَلب لـو أنته مزروع

أذا تبتعـد مـده توقع الحال
كل لحظه بغيابك صارت أسبوع

لحظــه مــا دريت يصير الوداع
احس كلبي طلع ماكظته ضلوع

واحس جني جنازه بقطعه ملفوف
عليهه اسمك لكو مو اسمي مطبوع

أون سكته ويروحي وخايف الناس
اصير انه بحلكهم خوش موضوع

يضحكون أعله حالي بصوت العيون
بس هذا الضحك ترس اذني مسموع

بسمار الشماته ابابي مدكـوكَ
على ضلعي بغيابك دوم مدفوع

مثل حال اليتيم وساكت سنين
من نظره شماته يصيح موجوع