خرسه سوالفي ومكسره الجنحان

الإثنين مايو 21, 2012 6:08 pm

خرسه سوالفي ومكــسره الجنحان
توصل وش تگلك شنهي شتفهمك

صبغنا الشعر واحنه بأول العشرين
وتسألني بصلافه اشباقي من حلمك
... ...
انه وسادة حمامه وخاليه من البيض
عــــــــش بلا امومه شلون ماظمك

انه سچين عميه وحدها بس تخويف
لا تذبح لا تگـص وهمومها اتهزمك

عمر عده الصبا وچاوين نمشي وياه
نسينا نگول نـــازل تاه مــــــنه اسمك

صار اسنيــــن اكتب والقوافي احزان
وچبح ذيـــــچ القوافي الغافيه برسمك

تدري طــــــــيوب حضنك تيهتن غاد
هـــــــوه المات عمره شيذّكر بشمك

بقت بالبال ذكره وغنوه هـــز چتاف
يابو الدمام دگــــــلي شويه لجل امك

اهـــي هوسة وملامح تشبه الطشاش
چنــــــه ازغار نلعب والربح همك

بقـــــــت شفتي اتذكر بيك طعم التين
وحس الدنيا انـــــــت وتينها بطعمك

احبـــــك ثم احبك حد موعد التوديع
انه وســــــاده وچفن للموت تلتزمك