وي الشماته تراهنت

الثلاثاء مايو 15, 2012 12:04 am

وية الشماتة تراهنت من فتت
بس بكلب دافي بثلج ساومت
متأكد كبالي الولف يفتهم
نمت برغد بس ريت لا مانمت
بعنادهم ثقيت مدري شحصل
راس الكلب مرفوع لمن كمت
كلتلهم انتبهو علي من يجي
تاليهة عالشمات شو سلمت
منا يطب منانة هم طب حجي
ماكو مجال اتركهن وقاومت
ذيج اجمل اللحظات بس لاغلط
الشموع تكضي خيوط هسة رسمت
شكد حلوة من شفتك حسبتك ولف
انته السبب خليتني تندمت

مرتاح جنك بالبعد يالرحت
غيري شعجب نساك شو بالعجل
مااعتقد مثلي تمرمر تعب
ومن اشتهيت الشعر مثلي ارتجل
اسأل علية الناس خافن ترد
اضحك وادنك هيج اخذني الخجل

كلش قليلة بعدك اصرف دمع
من اشهك انفاسي ابذر هوة
شكد حلمت حتى اللبالك اجة
تخايلت نرجع وادري لا موسوة
ورديت انة توسلت وانته سكتت
وغشمت نفسي وماضي كلت انطوة
وبالي اشبع شوف منك ترة
واني ادري جفنك عين غيري ارتوة
متباهي من شميت ذاك الورد
وردة وانكطعت مايردهة الدوة