ذبحت الروووووووووووووح

الأحد أبريل 01, 2012 3:09 pm

ذبحت الروح لاجلك والك ممنون
واريدك عون الية بوجهي مو فرعون

لاتصبح عنيد وقاسي الاطباع
رقيق اصبح وطيب لليوافون

فديتك نظر عيني ونفس هالروح
وشاريك بحياتي شلون متكون

اذا حبك جريمة يعذب الروح
انه المجرم بحبك خل يعذبون

همزة وصل حبك بين الضلوع
صعبة انساك وانته بروحي مدفون

احسك انته بأول خطوة بالشوك
وحبيتك لان بعدك زغيرون

ندامة اخسر شخص مثلك يشفاف
وصعبة اوجد يشبهك وسط هالكون

ترة اني اتولعت ما اكدر انساك
صرت قيس بغرامك وانه مجنون

اذا انته بحضرتي أبجامة اخليك
واغار اعليك حتى من الينظرون

لجل عينك ابيع اثيابي واشريك
المهم اتقدس انته اللي يحبون

حبيبي انته بحياتي وغيرك انساه
شلون انساك وانته بنص العيون

بقيت انته الامل واتأملك يوم
المهم رايد رضاكم لا تزعلون
[img][ندعوك للتسجيل في المنتدى أو التعريف بنفسك لمعاينة هذه الصورة][/img]