حوار بين ببسي وميرندا

الثلاثاء مارس 22, 2011 3:47 pm

الموقع : تلاجة في سوبر ماركت

الساعة : اتناشر الا ربع

**************

البيبسي : ميرندا...صاحية و لا نايمة

ميرندا : لا لا صاحية كلها نص ساعة و المحل يقفل و أدخل أنام

البيبسي : ممكن أقولك كلمتين على إنفراد

ميرندا : اه عادي و إيه المانع

البيبسي : طيب تحبي نتكلم في إيه.. يعني إيه المواضيع اللي بتحبيها

ميرندا : معنديش حاجة معينة و بعدين انت هتطول في الكلام ..انت عايز بابا ينيمني بره الصندوق....( صندوق الميرندا )

البيبسي (( فرحان )) : أنا على طول كلامي طويل و رغاي بس متخافيش مش هفور عليكي

ميرندا : إنت مرح وأسلوبك حلو بس بابا قالي متمشيش مع السود

البيبسي : ليه يعني هو إحنا وقعنا من على قعر الأفة و بعدين أنا شفتك بتتكلمي مع كوكاكولا إمبارح

ميرندا : متزعلش تصدق أنا معجبة بسوادك...زي الليل اللي مفهوش قمر...سواد كأنه سواد الفحم اللي موجود تحت في السرداب

البيبسي : تؤ تؤ تؤ أحرجتيني.. ماما كان عندها حق

ميرندا : و ماما قالتلك إيه ؟

البيبسي : ماما بتقول إن الميرندا أحلى من الفانتا اللي على طول بتتدلع

ميرندا : قال فانتا قال

البيبسي : متزعليش بس الفانتا لونها جميل شوية عنك

ميرندا : و ماله لوني بقى إن شاء الله

البيبسي: مش عارف بس بيفكرني بلون صاحب السوبر ماركت و هو تعبان على الأخر و غرقان في الشغل

ميرندا : و الله لو مش عاجبك أنا هرجع صندوقنا دلوقتي

البيبسي : تؤ تؤ تؤ متزعليش مني بقى أنا مقصدش

(( و في هذه اللحظة فتح صاحب المحل التلاجة و حط جنب الميرندا و البيبسي فانتا ))

البيبسي : يا دي النور يادي النور أهلا و سهلا بالعزيز الغالي

ميرندا : و الله عال.. بتعاكسها قدامي و انا اللي صابرة معاك من الصبح يا حتة فحمة مولعة

فانتا : و دي مالها دي إيه اللي منرفذها كده ههههههه

بيبسي : لا و لا يهمك قوليلي بس إيه اللون التحفة ده عملوا منك طعم تفاح لونك تحفة

ميرندا : ده لون ده و لا حاجة تانية هههههههه

فانتا : هئ هئ (( تشهق )) اه يا غيارة ياللي محدش بيبص نحيتك و لا يشتريكي بقالك أسبوع مرزوعة و لا حد بيبصلك

ميرندا : و الله ضحكتيني و أنا مش قادرة

البيبسي : يا جماعة بلاش خناقة كل واحد فيكم ليه مميزاته خلونا بس في المفيد

(( و في هذه اللحظة قاربت الساعة على 12 و جه زبون لم التلاتة في كيس واحد و اتكل على الله ))