انه متاااااانيك

الأربعاء مارس 28, 2012 7:26 pm

آنه امتانيك ميت ردلي مجبورين عله اول مكان البي تلاكينه
نخط آخر رواية حبنه والأشواك ونكول الله كريم الصار يكفينه
لا صدفه وجذب دنيانه نصحت يوم وجازتنه بحزن فرحة ليالينه
رسمت بالفرح ضحكة حلم جذاب وتركتهه جمر بالروح تأذينه
الحسرات ابنفسنه اتجفنن بأنياب اختصر يا زمن جهدك ما تداوينه
بريعانة عمرنه اترصع المأساة عمرنه وندري بي بس فرصه ينطينه
الزمن بالفرح فرصه انطاني بس وياك بعد ما كلنه فرصه وجتف ايدينه
ماصدك حلم عمري الكضيته وياك اذا جانت احلام شلون تجوينه
ما لمتك..عذرتك ولا لمت الروح من ذبحو اكبالك كل امانينه
القدر واهلك واهلي الناس والعذال ذنب ظل بركبهم ما حصل بينه
دفنونه ومشو وارتضو فعلة هاي وعشك مارضو نزرع وسط اراضينه
ياماضي النذكره وكله جان ادمـــوع ونذكره بياوجه والماضي ناسينه
انه احلامي ولهفتي وضيمي والآهات أمس كتبت قصيدة بليل يبجينه
قصيدة بكل شطر تنزف لحد اليوم ما تكمل وخلصت كل معانينه
[img][ندعوك للتسجيل في المنتدى أو التعريف بنفسك لمعاينة هذه الصورة][/img]