مالومك اذا شح دمعك

الأربعاء مارس 14, 2012 4:13 pm

مالومك اذا شح دمعك وياي
ولا أكدر اسولف شنهو بالبير
اذا لاح الكمر فد لليلة بسماي
لابد شمس تطلع ابد لتحير
شنهو تريد أوضح ذيج لو هاي
ما أدري بهواك يريد تفسير
ولا أدري الدمع لو رافك الناي
يظل دولاب وكتي بشوكك يدير
خلهه السكتة ابلغ والحجي هواي
وخل جنحان كلبك بالهوة تطير
بلكت تعرف انته الراح بالجاي
وخطواتك باثر خطوة من تسير
يا ملح الصبر وشيلحك الماي
اذا موته البيادر والنواعير
ردتك تنتبهلي بصفنه وهداي
هلبت تعرف انته بحالي شيصير
ولا اكدر أشوف عداك وعداي
بشر مدري فشك ترس الشواجير
وإذا لا سامح الله وشحت دماي
ذيج الساعة كول شعندي تقصير
يالعودك رجيج شتنطي من راي
وادري خيول وكتك باجر تغير
اذا غيمك نشف لمن يشح ماي
لا تشبع عطش روح احفر البير