شفتك اني حلم

الأربعاء مارس 14, 2012 3:55 pm

شفتك أنه بحلم ما ردتك تروح
أحس طيفك حنين أيغازل طيوفي
وردت أبكل ترافه أتلاعب الروح
وترد الأمان الوحشتي وخوفي
يلمسهرني الليالي لتعيشني بأوهام
أريدك من تواعد كون توفي
أنه أهواك تدري وبيك ذايب حيل
واچفوفك اريد اتنام بچفوفي
يا اجمل قصيدة بدفتر العشاگ
من تنطق اشفافك تكمل احروفي
ياروحي بحلم بس مري بلمحبوب
وشوفي اشلون حاله وحالتي شوفي
ما اگدر اعوف الحزن من فرگاه
واگل لخيوط حزني الجرحي روفي
الك سهرانه ذبلت هاي العيون
واگل لعيوني بس من السهر عوفي
اضل احسب نجم بجفاك طول الليل
وتبجيني صفنتي وارجف الخوفي
يعاندني الفرح والدنيا ضد وياي
واگل الروحي احرمي وبالحزن طوفي