مايرهم عتب

السبت مارس 10, 2012 4:38 am

مـــــــــا يرهم عتب يل تدك البــــــــــاب
جربته وابد ما نــــــــــفع ويــــــــــــــــــاك

نتلاكه ابرود ولا جـــــــــــنه احبــــــــــاب
وتجذب علي لو كتـــــــلي اهــــــــــواك

صرت بارد عـــبالك مااحسن بيـــــــــك
مو انته الاحـــــــبه ولا جنك هــــــــذاك

تريد اتلـــــــــوم بيه وآنه اكلك صــــــار
اختاريت دربك ولا ردت يوم اجــــفــاك

ينور العين حبيتك وآنه ابوفه واخلاص
وانته الرحت عنــــــــــي وردت الفراك

يلي راجع تعتذر شحبن بعد بيــــــــك
الا اكلك ملن حتى اشفافي من طرواك

تركت انسان بعدك حيل مكـــــسوووور
وحيل الصدر بعدك عـــــــليه ضــــــــــاك

اعاند ويه الوكت ليش آنــــــــه حبيــــت
الماراد وصلي وبنص الكّلب خــــــــــلـاك

انساني ابتعد لا تتــــــــــــــــــأمل ارجوع
انته انسان تايه ومــــــارايد اتيه اويــــــاك

وآنه النفسي عزيزه وتشح بيها الكرامات
واتشرف بهاللحظه لو كتلك الله اويـــــاك