حلم يوم انجمع اني بيك

الثلاثاء مارس 06, 2012 2:26 pm

حلم يوم آنه أنجمع بيك
بس اكابر مافرح اليشمتون

سرك ينحفر بيه اوويه لحدي اهناك
واشيلنك ابعيني وسديت الجفون

ما معقوله انسه العشكته ابيوم
وماجان احساسي عادي كاليحسون

جنت اشعر ابحضنك من يجيني الليل
ومن تكلي احبك كلهم يموتون

وك آنه النهر خلاني ابعطش لشفاي
وانت لشفتك بللت العيون

يبو كلب الحلو انياله اليكون اوياك
يالصافي وابد الماعرف يوم ايخون

ماهانت عليه العشره وياك
وصدك غلاتك ابد متهون

بس الدنيا رادت افترك وياك
واحرث بجرحي غميج او ويه اليفلحون

آنه اكتبت اسمك عالكلب لاتظن ينشال
ولا تظن دموعي فاضن بس عالمتون

ابجيلك ليالي وطيفك يمسح انهار
واعصابي طفرت باوع شارات السنون

وك آنه مصدوم ومااعرف شكلك ليش
اعتب عالزمن وي اليلومون

راح اسكت وادك اعلان خطيته عالراس
احبك يا قدر للموت بيك مفتون

واحبك حيــــــــــــــــــــــــــــــل احبك
يا احلى مجــــــــــــــــــــــــــــــنون

واموت بصفنتك حته الجنون البيك
يعجبني وبكلشي حاضر الك ممنون

خليتك انته الحكم حاضر انا بشورتك
حت لو ردت جثتي ترخص الك وتهون

شاهد الك هالبشر حجيك يا ترف مسموع
حته الشماته ال اللي خلهم يشهدون