حسب حسابك

السبت مارس 03, 2012 3:47 pm

حسب أحسابك أذا كتلي الوداع
الكلمه أذا تجرح كلب ماتنمسح
وانه أكص إيدي أذا عني تروح
حته لورديت مامدهه أبصلح
وما أصيرن شجره لومنشار أجيت
... شما تروح وترجع أتريد أنذبح
الباب التفتحه الرياح أمن الجنوب
ينطبك لوشملت ما ينفتح
الكاع لوطكهه العطش تقبل تموت
بس أذا زخ المطر تلبس ملح
ولاتكلي ألشوك بذره أمن السماح
بذرة المسموم تكطعهه الفلح
ولاتكلي الفركه موت العاشكين
الموت أصح أمن الحياة الماتصح
الليل لو ودع كمر شايب يصير
بس أذا شيب صدك يطلع صبح