ياغلطت حياتي

السبت مارس 03, 2012 3:46 pm

ياغلطة حياتي وعشك ممنوع
حبيتك انا دون اليحبون
ما ادري شعجب نايم بالظلوع
... ... ولاطلعك حبيبي وية اليطلعون
ياغلطت عمر والعمر ميزان
وبيه اشكال ناس الي يوزنون
مرعمري وتعدى وآني خطار
وصرت تايه ولا لاكي اليضيفون
وادور ك وانت بية بروحي تنام
ولاغيرك ابد بية يسكنون
لتلوم من اعوفك وآني اهواك
اخاف عليك من طبع اليكرهون
مومجنون انته بكدي يهواي
صرت مجنون رسمي وبيك مفتون
سمعت اهل العشك يبجون بدموع
بس آنه اختلف ابجيلك عيون
لجن ابعد عليك اعذرني يهواي
موبيدي اخاف من اليغدرون
ياغلطت عمر حبيتك بساع
وصرت مجنون بيك ومدري اشلون
وعشك ممنوع انته من الاصل ضاع
وانا ظايع صرت حال اليضيعون
ما اكدر اعوفك لااظل وياك
اتوالت علي صدكني السنون
ان شماافكر ابعد ارجع ردود
ساحرني سحر بيك آنه مفتون