الرئيسية
الأحداث
المنشورات
أحدث الصور
التسجيل
دخول
Jalal Alzobaidyعضو فضي
- عدد المساهمات : 2702
المزاج : رومانسي
العمر : 52
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية :
MMS :
يافراااااااااااااااااااااااااااااااااات
الثلاثاء فبراير 28, 2012 4:35 pm
يـا فرات ...
شـبـيـك ضـيـج عـيـن ... ؟
مـا تـهـوه الـيـحـبـك
لـيـش يـا طبع الـمـضـايـف ... ؟
جـيـت شـايـل شـوﮒ الـك
وانـتـه تـهـوه بـلا عـشـﮓ
ويـن ذاك الـبـيـك ويـن ... ؟
ﭽـان الـسـلـف حـاضن سـلـف
مـثـل الـﮕـصـايـب فـوﮒ خـدك
يـا حـلـو ﮔلـي شـبـيـك
شـغـيـر أوصاف الـبـيـك
وتـصـيـر ضـيـج عـيـن
......................
جـيـتـك عـمـر ضـيـع سـنـيـنـه
وشـواﮔنـه تـسـبـﮓ مـشيـنـه
نـتـنـفـس تـرابـك وفـه
ودمـعـاتـنـه بحضـنـك بـﭽـنـه
.............
لا ﮔـلـت يـا مـيـة هـلـه
بـالـجـاي يـم ديـرة هـلـه
ﭽـانـت الـروح مـدلـلـه
وصـارت يـتـيـمـة بـيـت
........
لا ﭽـنـك انـتـه الـي ﭽـنـت
ولا ﭽـنـه ذولاك
العشـﮕـنـاك وهـويـنـه
لا نـشـد طـاريـك عـلـيـنـه
لا تـشـتـري الشـوﮒ الـبـديـنـه
هـاكـثـر ضـيـج عـيـن
.........
لا تـرضـه اصـيـرن جـار
بـيـن الـزرع والـدار
لـلـغـربـه ديـرة هـلـي
وانـه خـلـﮓ خـطـار
..............
طـبـعـك يـشـﮓ الـﮕـلـب
يـا ريـت مـا مـريـت
انـشـد وجـوه الـغـرب
وانـه بـثـنـيـة الـبـيـت
عـنـوانـي ريـحـة هـلـي
والـدرب هـوه الـدرب
لا تـمـشـي ويـه الوكـت
بـعـدك كريم الـتـفـت
لا تـضـل ضـيـج عـيـن
................
يـا فرات مـعـزتـك
ساكـنـه بـروحي جـرح
آه مـن حـلاتـك
حـتـى لـيـل الـدنـيـه
بـعـيـونـك صـبـح
........
يـا فرات.....
احـنـه بـيـك ارجـع عـلـيـنـه
الـﮕـلـب بـعـده الجـيـتـك
يـنـتـظـر بـيـنـه
والـروح عطشانـه سوالـف
سولـفـتـنـه عـلى السطوح
وذيـج الـزغـيـره احلامـنـه
تاهـت بـلـيـل ايـامـنـه
...... وسـرارنــه
غـافـيـه بحـضـن الـنـجـوم اسرارنـه
والطـيـور الـهـاجـرن
مـا نـدري يـا غـربـه
بشواطـيـهـه بـﭽـن مـوالـنـه
الـتـفـت لـيـنـه
تـدري بـيـنـه
احـنـه مـجـانـيـن بـعشـﮕـنـه
...........
يـا فرات ....
الـراح ويـه الـراح
جـيـنـه بـﮕـايـه ارواح
تـتـعكـز على الصـبــر
والـعـمـر مـال وطـاح
.........
يـا فرات ...
جـيـت غـرﮔـان عـلى جـرفـك
مـد ايــد الـجـرف لـيـدي
اريـد اغـفـه بـحـضـن لـيـلـك
وشـوف هـلالـك بـعـيـدي
ريـد اتـغـطـه بـتـرابـك
وسهـر طـيـف عـد بـابـك
وشـوفـك مـوش ضـيـج عـيـن
ولـك مـا ﭽـنـت ضـيـج عـين
اميره الصمتعضو متميز
- الجنس :
عدد المساهمات : 1229
المزاج : عصبي
العمر : 33
تاريخ الميلاد : 21/09/1991
النقاط : 1697
العمل : طالبة جامعية
MMS :
رد: يافراااااااااااااااااااااااااااااااااات
الثلاثاء فبراير 28, 2012 4:41 pm
ابدعت فاحسنت الابداع
- Jalal Alzobaidyعضو فضي
- عدد المساهمات : 2702
المزاج : رومانسي
العمر : 52
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية :
MMS :
رد: يافراااااااااااااااااااااااااااااااااات
الثلاثاء فبراير 28, 2012 5:30 pm
مرور مشرف جدا يسلموووووووووووو
صلاحيات هذا المنتدى:
لاتستطيع الرد على المواضيع في هذا المنتدى