ابيات من الدارمي

الثلاثاء فبراير 28, 2012 4:22 pm

أتجلد بممشاي ناحل تراني+++ خوفي من الشمات مو من زماني
شماتي مو شمات شماتي أشرار+++ بالگبر ويگلون ياربي النار
شماتي مو شمات شماتي فطر +++ بالگبر دگو شيش خافوا ليفطر
شماتي مو شمات شماتي سبعة+++ والثامن صغيرون يأشر باصبعة
شماتي مو شمات شماتي شرطة+++ فوك الگبر ويصيح بايگلة جنطة
شماتي مو شمات شماتي خوتي+++ حنى امي ياهل الناس تتمنه موتي
شماتي مو شمات شماتي ورطة+++ نصهم أمن وإجرام والباقي شرطة
حطيتك بسرداب وفوگة متر صب+++ أصبح الواشي وياك من ياكتر طب
بيده اليزف هواه گلبة شگواته+++لا خله صارت بيه ولاعكله فاته
شماتي مو شمات شماتي شمات +++ فوك الگبر ويصيح حى بعدة لومات
شماتي مو شمات شماتي أنضباطية+++ بالگبر ويگولون وين الهوية

الدنيه للتهواه ترگص مفرعة +++ والماتريده ينوح لو خلص دمعة
الدنيه للتهواه ترگص مفرعة +++ وانة تجيني بموس واتگلي بلعة
الدنيه للتهواه تطلع ثديهة+++ وتگظة خاف ايطيح باثنين ايديهة
الدنيه للتهواه تفتحله الابواب+++ ينزح حتى الگيظ ويصير خنياب
لدنيه للتهواه ترخيله الاحبال+++ اتنزل الطيب ذات واتصعد الانذال
الدنيه للزنگيل ترگصلة چوبي +++وانا الفگر ياناس شگالي ثوبي
الدنيه بس وياي صارت حريصه+++ من سلة الملگوط تلحگني شيصة
لعبة الدنياوياي لاچن شلعبه+++ تشبچ الرمح بچلاي وتگول احبة
متعجب بدنياك جرحتك مره+++ منخل إگليبي صاربيه العمه يقره
ريت اليطيح بضيج كون اخوه وياه+++ وكلما يگول أحا كلها اتلگاه
عضني الدهر بخبال وضروسةطاحت +++ كل هذا ما صحت أخ شماتي صاحت
لابيه أجيك زحوف لابيه مشاي +++زيبك إبجف سكران خلتني دنياي

عرجة وكسرني البين وبعيوني ما اشوف+++ جابولي طاري هواي گمت ازحف زحوف