لتبيع سرك للجميلات

الأربعاء فبراير 01, 2012 4:02 pm

ابد لتبيع سرك للجميلات
لان سر الشدايد سيفه بتار
تكت الوانها بسرعه الفراشات
ومتهمها العواصف وكت الاعصار
الحب مو سوه بيه اختلافات
ومحبة هل الزمن ما بيها معيار
توؤم للورد بالغصن شوكات
الورد يطش عطر واشوك غدار
ابنادم بالحجي ينعرف مرات
واكو السره خفي ويبوح الاسرار
واكو كاعد عوج يعدل احجايات
واكو واكف عدل وبحجيه يندار
القوس احدب ظهر وضلوعه عوجات
ويظل سهمه عدل لو بالهوى طار
لتزغر بشر باول النظرات
اشجم واحد زغير اتعده الاكبار
زغيره بعين كل ناظر النجمات
الحقيقه اعيونا مو هنّا الزغار
سدباب الحزن وخنك الدمعات
وطش ماي الصبر لو بالكلب نار
اشجم ذيب بحياته ما رحم شاة
الشاة بلا ذنب ويدور اعذار
اذن بالك تذل كدام شمات
تموت وما تذل ديدنها الاحرار