أنتي الجامعه

الإثنين يناير 09, 2012 2:17 pm

انتي الجامعه وكل احنه الج طلاب
ويضل بيج العميد الدلع والخفه
تعليمج العالي اقسم عليج ايلوك
بس حسنج بجفه وعلمج ابجفه
سكنتي المكتبه هلكَد شريتي اقلام
ودخلتي الامتحان وحالتج كلفه
اخذتي انتي صفر مو لان ماتقرين
لان ذاب القلم بجفوفج الترفه
بالسنتر دخيلج فدوه لتمرين
لان كل مره منج تنكَلب زفه
جم طالب تسودن من دلع ممشاج
ومن كَد الثكَل جم طالب اتوفه
حددتي البشر بالحمره والتحديد
عزه بعينج ولج مارايده الشفه
امس لفه اشتريتي ومن حلات اشفاج
كامت بالشفايف تاكل اللفه