كلي شفت بعشرتك

الإثنين يناير 09, 2012 2:10 pm

كل لي اشفت بعشرتك

غير القهروهموم
غريبة الظالمني يدعي
ويشتكي لي أنه مظلوم
آنا الشاري عشرتك
رغم ظلمك آنامغروم
***
أدعي ربي عشرتنا
بحلوتها ومرها تدوم
يا حبيبي شوي منك
وشوي مني لازم ومحتوم
نتقاسم سوى ونصبر
على اللأ لنا مقسوم
***
هذي دنيانا طبعها
ما أحد من الخطأ معصوم
ضمني على صدرك واشتكي
وخلنه نتقاسم هموم
يا حبيبي اليعشق يصبر
ما لازم المحبوب يلوم
***
حلو العتاب بس
الزعل ما لازم يدوم
تفرفح الكاع بصوت الرعد
وتهلهل بس تجمع غيوم
تنتظر وقت المطر
يمرها وبسهولها يعوم
***
تخضر وتسحر الناظر
وخيرها يعم ويدوم
وأنت يا حبيبي المطر
وآنا الكاع ملزوم
اش حلو الصبر يا حبيبي
بسهلنا خضر القيصوم
***
ياحياتي بعد العمر محتوم
ما لازم يأثر على المضموم
إنت تدري ياحبيبي
شقد مرنا القهر وشفنا النجوم
مو بالسهولة ياحياتي
نمحي كل شيء مرسوم