ياعطر المروج

الثلاثاء يناير 03, 2012 5:14 am

يا عطر المروج ويا حديقة بيت
ويابستان عمري وكل غصن خضر

ما اكدر بدونك نفس بيه اتعيش
من دونك ابد والله ما اكدر

يسولفلي الكمر عنك يكول اشكال
ويحجيلي عليك وكلشي يذكر

اصور كمر يحجي بجمال البيك
يعني الكمر شافك كلي شصور

اتصور اودك يا عزيز الروح
وتصور حنانك بحر من يكبر

وتصور تبوك النجم منه بيوم
وتجي مخبوصه بيك بلا وعي وتفتر

وتصور يعوفه السمه يحظن بيك
وتصور النور العنده يتستر

وينسون الكمر والليل كل الناس
لان انت بمكانه اصير من تحضر

صدكني بغيابك كلشي بيه ايصير
اللام وحزن وهموم واتحير

من دونك وحيد وحالي حال الضاع
ومضيع هله وعل شوفه يتحسر

ياعيد اليمر بالسنه بس مرتين
وانا كلما اشوفك عيد اتبشر

ومن احجي كلامي وياك كله اللوان
بي احمر وردي وابيض واخضر

وبي اللحان حلوه وتعزف عله العود
واشعاري بغلاتك بالوصف تسكر

وحروف اللغه كله تحت ايديك
حتى الهمزة والكسرة وحروف الجر

ياقاسي اريدك وحدك بلا خوف
كلبي شكد تعب بين البشر دور

على واحد بوصفك كمر بس ماشاف
ومن شافك عله ... وياك ظل يسهر

مشكلتي اناني واحب كلشي وياك
ومشكلتك ذهب ما اظن تتقدر

ولك وانت بعيد الضغط دگ عشرين
اذا يمكن اشوفك يصعد السكر

نظراتك سحر خرست انس وجان
واذا تمشي بمشيتك طير يتبختر

بس عيبك اذا تزعل ولك بركان
يحركني حرك ماهمني اطشر

بس همني الكلب البي الك لقطات
خايف عل صور لتروح تدمر

واذا تضحك الاجلك تسجد الابراج
تاخذلك تحيه بضحكتك تنسر

احسد كل ارض تمشي عليهه بيوم
طين الجوه رجلك ابد ما قصر

اخذ طبعت اجدامك ركض للاثار
خل الناس تتفرج على المنظر

يالعطرك مروج وعطر روز وهيل
وتيروز ومسك والياس والعنبر

يالماخذ حلات الدنيه كله بالليل
شما كسر جمالك بالحساب اخسر

ممنوع اللمس ممنوع حتى الشوف
ومن خلف الحجاب اسولف ومجبر

لان يوسف عبرته وحسن حوريات
ممزوج بسمار وابيض واشگر

بدونك ما اعيش وهذا اخر شي
واذا عايش بدونك خلي اذكر

لان كون ابمكاني وشوف كلبي شلون
مثل قطعة زجاجة وخايف اطشر

واموت بحسرتك يا بعد كل دنياي
وتصير اللوحة والتابوت والمعبر