أليوصفك يتعب

الأحد يناير 01, 2012 3:12 pm

يمكن من اشوفج انسى الهموم
.وانسى كل جرح مغروس بيه
.عيونج من بعيد تكول جنها سهام
.تصوب كل احد والناس مسبيه
.مسبيه بجمالك ومدوخ العذال
. لك خفف من جمالك يابو الحنيه
.اليوصفك يتعب بأول الاوصاف
.يخجل من صفاتك الخرافيه
.جننت كل عقول الناس
.لك والله الناس وعيونك خطيه
.بس انا جرئت وحاولت وصفك
.بأول بيت اكتبه انسى تاليه
.عجرت كل القوافي والشعر وياك
.ياقصيدة ترهم الك ياابوذيه
.حرت بجمالك وشيبتلي الراس
.غارت فرنسا من جمالج والبندقيه
.جان التنافس بين ملكات الجمال
.ويصير تصويت ياهو اليفوز ميه بالميه
.هسه تغيرت كل الموازين
.من شافو جمالك حجز كرسيه
.ماادري منين ابدي وشوصف احتار
.عيونك جواهر والخدود ورديه
.والشعر اسود اتيه الخيال
.واذا اوصف الشفه اتعب شويه
.نظراتج غريبه تسحر العشاك
.اليشتم هواج يموت بسكته قلبيه
.ياهنياله اليحظى بهواج
. الف مبروك اكوله وعيشه هنيه
.مااحب اختم بآخر الابيات
.اريد اوصف بيج حد المنيه
.شكد مرت علي اشكال حلوه هواي
.بس مثل ابد ماشفت ابنيه
.طيبه وحنونة والكلام اثقال
.ومن تمشي تخلي الناس مسبيه
.وصفتج بشعر واسف على التقصير
.ابيات الشعر تتعذرج هيه