شكرا يالمسيحي

الأحد يناير 01, 2012 1:43 am

شكرا يالمسيحي

صِدَر تصريح منك عن وعي وأدراك
شُكراَ يلمسيحي وهاي إلك وحده
ولَو مشهودلك بهوايه من هالنوع
بس تأكيد منك هاذي عالوحده
رفضت الاحتفال بفرحة الميلاد
لأن جارك دموعه نرسمن بخده
شفت جارك الشيعي يدكَـ عَزه وزنجيل
كَـِلت هيهات يبقه بهالحزن وحده
شاركته بدمعته إعلا الشهيد حسين
وكَلت كَلبي ابحزنكم يفرح شحده
ياورث وهب ذاك التحده الموت
وسحكَـ فوكَـ المنايه وأخلص بعهده
.........................
المواقف تنذكر كلما حديث يدور
وانتم والنعم تاريخكم زاهر
في حين البعض محسوبه عالاسلام
تتبادل تهاني بليلة العاشر
معروف الأناء وينضح شما بيه
والمعنى بعد محسوب عالشاعر