ابويـات

السبت ديسمبر 31, 2011 9:37 pm

ابوذيات 2012

يا اعـــــــز اهـــــــلي وناسي
ذكراك يجلب افراحي وناسي
بالك تكـــــول هاملني وناسي
... انته اعز من روحي اليه

السادس هلكني بــــــلوغارتم والجيب
وحرمني من رركوب الهمر والجيب
وكضه فلوسي خصــــوصي والجيب
فارغ صفه موشل عليه

سبحان ربي الصورك سواك ورده
يالبكت كلبي ارجوك رجعــه ورده
مو صــــرت ارده من الردي ورده
لان ماكو احن منك عليه

زماني زنكني ومـــــــدري شلون زنكه
وعله فركاك حيــــــــاتي اصبحت زنكه
صــــــــرت مجنون ادورك زنكه زنكه
كلت بلكي الكاه وانطي ورده هديه

لاجـــلك اضـحكي بكلشي عندي وشملك
ما تكلي يمــته ينجــمع شمـــــلي وشملك
انه احبك وبالحجي اقصــــــــدك وشملك
انته الي لحد المنيه

يل ذكرك عله لساني بهوساتي وردحاي
ميت بدونك واذا شفتك اصحـه وردحاي
وانثر طريقــك مو ورد ذابـــل ورد حاي
واظل ادعيلك صبح ومسيه

حبــك هلـــــــكنــي كافــي يمهلك
مـــو بـيــدي الكلـب لاريـد يمهلك
مهله اسبــــوع واشوفـــك يم اهلك
وتصير جمعتنه سويه

حلاتك مو تــــــــمر بـــرحي وراشي
احبك ورد أســئلـــــــك حبك ورى شي
انه بحبـــك صــرت متكــــــبر وراشي
ارشي كل حاسد فاتح عيونه عليه

كلبي عنك رادو يميلونه ولا مال
ألف مره اطلب اشوفك ولا مــال
بشوفتــك ابني طموحي وال أمال
وامالي تصير جمعتنه سويه

يل نــــشدتك لكــل كلفه ولمحنه
اذا خطأنه وياك عاتبنه ولمحنه
مو تبيــع ايام عشرتــنه والمحنه
وبعد ما تسأل عليه

انتهى[center]