أريد اشرب دموعك

السبت ديسمبر 31, 2011 1:56 am

أريد أشرب دموعك وأرتوي أحساس ..
وكاسر من رضابك خمرة الكاس
وآزاغل ويه روحي من ألعب ءوياك ..
وكَلك فدوه الك تستاهل الداس
الشِعر خطوة مشيتك صاحت الله ..
عيوني وصارت الكل بيت قرطاس
أفز كلي واصفكَـ من الاكَيك ..
وروحي بلا وعيها اتشابكَـ الناس
غصن راوي بحلاتك ودي اغطيك ..
أحس نظرة الوادم من تمر فاس
اعله روحي اقره الفلق لو فكرت بيك ..
أخاف ايصير بيها عليك وسواس
تمر من زيجك أخذ شوفت امراد ..
ءمن الكَلاده الغفت ما بين الأقواس
أظفر خنصرك لو مر بالسنون ..
احسدنه يتلامس ويه الأنفاس
اكو الكل شي نعم مقياس موجود ..
بس فتنت جمالك بيش تنقاس
أثر تترك بخدك نظرة العين ..
مثل كيكة بأصابع طفل تنجاس
ينباس الحلو بوجنات الخدود ..
وانته ءمن الحلا بالعجس تنباس
يدولاب الهوى توني اعرفت ليش ..
تصيب الي يركبك دوخه بالراس
تصد واتعنه ادعي عليك مهظوم ..
لجن هزيت الك شباج عباس
وترد شايل ابخدك حمرة الشوكَـ ..
الثورة مستحاك اعروش تنداس