أحبك كلمه ماتنكال لأنسان ........

( أحبك )

أحبك كلمة ماتنكال لانسان

بس للي تحبه وحيل تهويه

أحبك لو كلته تهيج نيران

الك وسط القلب وبكل مجاريه

اذاعيونك حبيبي اسهرت يومين

انا السهر انومه وبيدي اغطيه

اذا يحرك الدمع ومنه مليت

انا الدمع يبجي من امر بيه

اذا اشتاكيت ليه ويوم حنيت

انت اسمك وسط قلبي مخليه

عشكتك عشك ليلى وعشك مجنون

واني الي اعشكه بروحي افديه

اذ عيونك حبيبي تسيل دمعات

اني الفرح من شفتك معاديه

كتبت اسمك حبيبي فوك الغيوم

يظل اسمك علم كل يوم اعليه

تتذكر حبيبي من جنت تشتاك

تفرشلي ورد دربك وامر بيه

وتذكر يامى جدمي بعتبنك داس

واسأل بابك اشكد جنت احاجيه

اذا مني ازعلت ياشمعت الدار

أخلي القلب بيدك وانت تجويه

على جمرك أنام الليل بردان

وأنا بقلبي الجمر يحرك وأطفيه

انا بسمك حبيبي انشأت ديوان

ياديوان حبي يمته تقريه

تعال أقرأ حبيبي وشوف الاشعار

وترى حجي الشعر يكشف معانيه

انا عيوني السهر دمرهة يهواي

واحس الكمر وجهك من انادية

تعال ارجوك خلي ننسى الي فات

وخل ننسى الهجر ومن حبنه نمحيه

اذا اطلبك مسامح كلشي ما اريد

واذا مطلوبلك اجيتك اوفيه