أنا بسمك حبيبي أليوم طكيت

الأربعاء ديسمبر 28, 2011 3:42 am

أنا بسمك حبيبي أليوم طكيت

وسبع طلقات للعذال طكيت

نفاخة فرح وبعيد طكيت

شمرت روحي على بيتك واهلية

مزاجي شكثر صافي من طقتكم

وطاقة ألبيه صارت من طقتكم

أجي لو جمر صارت منطقتكم

وأحسن ثلج جوياتك علية

عزيز ألنفس أبدا مالحاني

وسهمك من رميته مالحاني

أغزر بيك أغزرمالح أني

وشور بيك ع ألسويته بيه

ها تعبني حبك هاي أذاني

دخت ها ياصلاتي هاي أذاني

أكول ألتوبه ماحب هاي أذاني

أهد ذاني ويرد حبك عليه

ألوكت بألغربة يسمر شمراني

وتريد اني ألأمرلك شمر أني

أذا تنشد علية شمر أني

معروف بنسب وأصل وهوية

مدلل ماتهيد انت ونا هد

تكضني حيل ومتهدني ونا هد

عليه تهد وأكوملك وناهد

وأصير وياك حتى نهد عليه

وحيد وحالتي صعبة بعدهم

مريض وأثر بروحي بعدهم

كل هذا ألجره بحالي بعد هم

ألكم عين وتفكرون بيه

مغيم دوم جو ألعشك ما جو

ومثل موج ألبحر ع ألكلب ماجو

تواعنه وأجيت وأبد ماجو

بوري ومطر عيني يدك عليه

أريد أكعد وأسولف ألك وشراح

وغده كلبي عليكم وذر وشراح

لو تدري من أديه شفلت وشراح

وعلي جان أنكسر كلبك عليه

دخت أنا وجميع عضاي دخنه

طير ألحب أكل بألروح دخنه

وشعل كلبي وعلك بألكلب دخنه

وأكوووول أأأأفيش وألشعواااط بيه

أحس جرحك لجمني شاعرنه

وعلى ألصوبين أسمك شاع رنه

شحلاتك ع ألمنصة شاعرنه

ألقصيدة تموووت من دونك خطية