حسبالك بعدني بحبك مولع ..

الأحد ديسمبر 25, 2011 2:38 am

يلتصلي جذب غشاش حته بهاي

شلون تصح صلاة بغير ماتركع

عگرب انته عگرب ما اامن بيك

بس اندار عنك بالغفل تلســـــع

لتزور ودادك تدري اعرفك زين

اخذ عبره النجم بالغبشه مايلمع

وافهم ما تهزني بدمع العيـــون

دمع تمساح دمعك لا تظل تدمع

ماشيتك دهر طبعك اتيه شلون

نار شما گلت من طيب ماتشبع

تعد روحك عليه بحسبة الزينين

وانته شما اگلب بيك ماتنفــع

عاشرتك جرح تسحن بهاي الروح

واضم جرحي عليه وبلگلب اخدع

أوديلك فرح من تحزن انته بيوم

ما تملي عيونك فرحتي وتطمع

لتحاول تبرر ما احير ويـــــــاك

افهمها الصبغ بالماي يتشلــع

ولتگلي السهر ذبل سواد العين

مرات الجفن من القلق يهجــع ..!!
بعت گلبي برخص شسوي جاي اليوم

اگرع انه وانته الما تحب اگــرع

تذكرني بعذابي العاشه گلبي وياك

ما ريدك نسيتك روح عمي شبيك

لتحاول تجيني ولا الك ارجـــع