مات حبك واعلنت الحداد

السبت ديسمبر 24, 2011 8:24 pm

[b]ما اجبرك بعد لو ردت عني تروح
ولا اكَلك حبيبي اني انتظرك

روح ابتعد اتركني لو يرضيك
سوي ألـتريده بعد ما اجبرك

تحس نفسك قوي لو مرة ألك حنيت
وبعد تقسه علي لو كَتلك ارحمني

اكَلك هذ جرحي بيدك ايطيب
وادري ما يطيب أدريك تلجمني

كافي بعد من حقي لو مليت
لا ترضه افهمك ولا انته تفهمني

اصبر روحي ألك وهي تكَلي تهون
وكَل لـ كَلبي يحبك وادري متحبني

جم مره ابعدت وعنك بعدت الروح
شما ابعدهة ترجع واني تتركني

صرت لانه بسمه ولا واكَف اعله الكَاع
وصرت ما تجرح جرح يوميه تجرحني

وألجم بالجرح ما اريده يطيب
خاف انساك لحظه جرحك يذكرني

مو حاله ضعف لك انه اهز الكون
بس هزني حبك واعترف دمرني

ماردت اسلمك وانحنيلك يوم
الذنب كَلبي هو ألك سلمني

منطيت لزمه من صرت لليوم
نار هسه ويحتركَ أليريد يلزمني

لو صرت الهوى لتظن اشمك يوم
ليش اني ألـ أشمك وانته متشمني

وليش اعيش وياك راسي ما مرفوع
انه ذليت الوكت مو انته ألـذلني

لتصدك بعد ارجع واكَول اهواك
هواك تراب صار وحيل يخنكَني

حبيتك صدك و روحي ماتت بيك
روحي ألحبتك أشلعهة مني

هاك روحي منها انه تبريت
مليت منها وهي ملتني

ادري تفرح وتنتظر هذا اليوم
هذا اليوم أجاك افرح ولك غني

مناك هذا اليوم بعد شتريد
جيب أليهلهل وبجفوفك يحني

ما اندم لأن حبيتك بيوم
حبي ألك هواي دروس علمني

************************************************** ***********
[size=21][b][size=9][size=21]اريد اعلن حداد وللعشك ماعود
واريد انساك ونسة البينك وبيني

وشك دفتر غرامك خاطر انة انساك
ودير الوجه عنك من تلاكيني

ماريدك بعد لو انت روحي اتصير
و ماريدك لون من موت تحييني

ملح بعيوني احطن ونسة حتى النوم
اخافن بالمنام طيوفك تجييني

اذا شافتك عيني وفرحت بملكاك
والله اتبره منهه وهاي موعيني

واذا صافحك جفي بحجة الخملان
اكص اثنين اديه يساري ويميني

واذا كالولي حبك يسري بالشريان
ثق بالله اكطع كل شراييني

واذا صاير شمس انه ابقه دوم بليل
وماريد الضوة وبلظلمه خليني

تذكرمن لكيتك والعطش واليك
وكلتلي امعود اترجاك روييني

عصرت اجفون عيني و وشلييت دموع
وشربتك بديه وانت تدرييني

وانتة بكل وكاحة وكل صلافة عين
درت بجفوفي سم وردت تنهيني

تذب نفطك عليه وانه بيه النار
وتتحمه اعله ناري و ماتطفيني

وصرت محبس بديك وكمت بيه تسوم
ساعة تبيع بيه وساعة تشريني[/size][/size][/size][/b][/b]