شجاك؟ اتسودنت يا وطن؟ شنهي شبيك؟

السبت ديسمبر 24, 2011 7:52 pm

شجاك؟ اتسودنت يا وطن؟ شنهي شبيك؟

[size=21]

[ندعوك للتسجيل في المنتدى أو التعريف بنفسك لمعاينة هذه الصورة]

شجالك يا وطن من الصبح وجّيت
وطشرت الشعب كل واحد بديرة

شجالك ماتكلي ارباطعش تفجير
وين الرحمة ربي تهشمت الغيرة؟
... ...
بابو دشير العلاوي الشعلة واليرموك
كرادة الشعب كلها بفرد سيرة

دهجع يا وطن بسك بعد ارهاب
هد لون الحزن لاسود بعد ديرة

[ندعوك للتسجيل في المنتدى أو التعريف بنفسك لمعاينة هذه الصورة]

شجاك؟ اتسودنت يا وطن؟ شنهي شبيك؟
بيك اليمة كلهة وشعبك ايعاني
الطايح منذبح والواگف هم مذبوح!
ماتعرف المجني عليه والجاني؟
منصوبة الچوادر مارضت تنشال
... ... ... إذا ينشال چادر ينصب ثاني
دفانة شكثر ما گاموا يلحكون
حتى العدل يصرخ وين دفاني؟

[ندعوك للتسجيل في المنتدى أو التعريف بنفسك لمعاينة هذه الصورة]

اجيت اعايد ورايد احتفل انا ويه صحباني
بس مالحكت اشوف العيد وسمعت صوت دفاني
طالب انا وعامل ودكتور مو مسؤول ولا اني سياسي
... بس نصيبي اني عراقي وابن بغداد والخميس جان يوم استشهادي
مااجاني 2012 وشفت التغيير ولا فرحت بيوم اجلاء محتلي
انا ابن العراق وابن بغداد ادعولي بدعاء وبدمعه ذكروني

[ندعوك للتسجيل في المنتدى أو التعريف بنفسك لمعاينة هذه الصورة]

يمة استشهدت حتى الامان ايعود
صيحي ابني البطل ميخاف سواهة

وصيتي اعلة الجنازة رايد تهوسين
(هاي الرادهة وهاي التمناهة). اللة واكبر اللة واكبر اللة واكبر على
الضالمين واللي كانو سبب هذا الاجرام .واللي وصلو العراق لهيج ضروف

عذرا سيدي المسيح ان اقبلنا عليك بثوب اسود
فالقلب مجروح والعين مدررا .....
فقد اصبحت لدينا مصيبتين بكربلاء الطف والاباء
وبغداد الدمع والبكاء
ذبحت فجراليوم بغداد لتدفع ضريبة خروج الاحتلال
... ... فليسمع العالم باجمعه اننا تلقينا اعياد راس السنة بوابل من نزيف الدم وليس شجرات الميلاد
اعطينا اطفال المدارس شضايا المفخخات وليس هدايا من سانتا كلوز (بابا نؤيل)
اقمنا العزاء واتشحنا بالسواد وليس اقامة الاحتفالات ووجبة عشاء الديك الرومي
.....هذا هو عراقنا وهذا هو ما جرى عليه

انا لله وانا اليه راجعون

[/size]