آنته بريىء

الأربعاء ديسمبر 21, 2011 3:08 am

آنته موذنبك تحط بكلبي نار

لا ولا ذنب الكلب من يحتركـ

ذنبي آنه الخلصت عمري آقره بيك

وماعرفتك لنته عيد ولا طبكـ

ونته مو ذنبك علي تشمر أحجار

لا ولا ذنب الحجر لمن يطكـ

ذنبي آنه شماكثر كطف الحجار

آترس الكاع وشليلـك بس نبكـ

آنته مالك كل ذنب أنته بريىء

ذنب جفي اللازكـ آبابك لزكـ

يل علي هديت بخيول الظلام

عمري شمس شماطفه يرد يعتلكـ

ولك ماظل زيج أشكه أنه عليك

خلصت القمصان متكلي ششكـ

آنه حافظ كل عضو بجسمك تعال

آحنه ياما الليل خلصناه طبكـ

آنذوب حلكـ بحلكـ من أكبل عليك

ومن آرد للبيت آرد آبلا حلكـ

جنت تشبكني وشبكك من صحيح

هسه بس الطيف شابكني شبكـ

آنه فضيت العيون من الدموع

هسه راح آنوب أفضيلك خلكـ