ومضات

الأربعاء ديسمبر 21, 2011 2:44 am

[ندعوك للتسجيل في المنتدى أو التعريف بنفسك لمعاينة هذه الصورة]

الومضــــــــــــــات

روحي تمرمرت وأدمنت بس علنوح/
كضيت سنين عمري وماخلص نوحي/
ويمكن من تشوفك حته لوبلطيف/
تشك سباح كلبي وتنفجر روحي/‎

‎
روحي نص الليل رادت تعتنيك"
لأن نسيانك على احبابك صعب"
آنه حالف دوم مارمش عليك"
وغافلاني ورمش اعليك الگلب

صحيح مفاركك بس آنه ماناسيك /
وماشوفك صدك بس انت ساكني /
كمت آكل بروحي وخايف من العين /
من كثر الندامه عليك تاكلني

طبع نمر وغزال اتجمعن بيك
وسبحان الجمع رقه بشراسه
الناس تنطر من يجي الليل
وانت الليل يلزملك حراسه

طيفك مرعليه وريت لامريت
وريت عيوني تعمه ولاشفت طيفك
يامالك حياتي وعمري بيدك صار
هاك اخذ الدليل وعذب بكيفك

عذب كلبي بيدك ماأكلك ليش
ماكلك دليلي شلون عذبته
لانك لوجرحته الجرح بيك يصير
انت اصبحت كلبي وكلبي هوانت

حبك بالضلــع بسمار منــدك
وحـس كلبي يسولف بيك من دك
بكمت اركـــض عالنقال من دك
لان [ندعوك للتسجيل في المنتدى أو التعريف بنفسك لمعاينة هذه الصورة] العزيز اتصل بيه

غيرك يغيب ولا خطر" لي على البال ..
وإلا إنت من غبت إنشغل" فيك بالي ..
يوم أبعدوا وأبعدت عني بالأميال ..
أرخصتهم إلا إنت" لازلت غالي ..

كبل لانام الرمش يسأل عليك
وعيوني تسأل __ شو بعد متريدهن
ومن كعدت الصبح ماظليت اشوف
عيوني يمك بالحلم خليتهن

كتاب انته انكتب كلشي حلو بيك@
ولامليت منك من قريتك@
حفضتك عالكلب مثل المواويل@
اردد بيك مايوم النسيتك@

كلبي يعوفني وبدروبك يروح...
اروحن عود اجيبه ويشرد يخاف:
كلبي اشكد غشيم بسدك يلوذ...
لأن يلبد وراك وانته شفاف:

لأن مشتاكلك سموني مجنون
والمجنون اعقل مني شفته
ابوسن بالهوه المنبيتكم جاي
ولوينحضن صدك جاحضنته

شفتك ما كمتلي بساعه المريت:
بيه الذنب انت من الذنب خالي...
خدرانات [ندعوك للتسجيل في المنتدى أو التعريف بنفسك لمعاينة هذه الصورة] من التعب رجليك:
من كد ماتروح وترجع أبالي...

أسهام وكتي أشكد رمن رادتني أطيح؟
ماطحت بس طيحني أسنينك؟
ومن مصايب هالوكت ماأظن أموت؟
بس أموتن من تصدلي بعينك؟

اغاراعليك من الهوة لوفات
واحبك مومثل باقي اليحبون
ماتلكة اليعزك مثلي هيهات
انة الشوفتك ضميت العيون

أفرح من أشوفك يوم مرتاح...
.وأحزن من أشوفك يوم مهموم...
وإذا صب الدمع من عينك وطاح...
أطيح انه إعله وجهي وبعد ماگوم.

اليعطش يملي جفه ويشرب الماي~
ومن الماي بالك تشرب انته.
لأن كل اليشوفك صار عطشان~
وخاف الماي يعطش لو شربته.

تستاهل محبه وشوك يحمل شوك
وتستاهل عشك محد حمل مثله
يل كلك محنه ودوم اسولف بيك
امل من الهوه وطاريك مامله

جرب تبقى وحدك وقت الغروب
او شوف اشكد وحشته ابليه محبوب
او شوف اشكد برئ ابعشرتي وياك
وانته ابعشرتي اشكد شايل اذنوب

جسر كتلي جفوفي امدنهن تعال .
وجان كل ظني الدهر يقسه واجيك
.كام جدمي استعجل وحافي اعتناك
.وهسه من صارت صدك وخرت اديك .

حبــــك غيربروحي الموازين:
وكلت نسيان حبك عندي عادي...
طـلع حبك فــــرض مفروض علروح:
مثل دكات كلبي لاأرادي..

عذب كلبي بيدك ماأكلك ليش
ماكلك دليلي شلون عذبته
لانك لوجرحته الجرح بيك يصير
انت اصبحت كلبي وكلبي هوانت

عزيز انت واعز من هاي العيون
وجميل وماكو بالدنيا ابجمالك
اذا راح العقل وتصير مجنون
اتسودن وصيرن حالي حالك

# تالي الليل أكلهم باجر أنساك
أفز من غبشة الله وأحجي بس بيك
بغيرك فكرت كلت بلكي أنساك
طلع غيرك يشبهك فكرت بيك

ماشايف قبل وعيوني عثرن بيك
واول ماصحيت عيوني الك صدن
شفتك مو بشر شفتك ضوه عله الكاع
من تمشي الكواكب كلهن يسجدن

الأربعاء ديسمبر 21, 2011 6:39 am

السلام عليكم
شكرا اخوية مهند .. اشعار حلوة
ملاحظة بسيطة
انت اضفت مشاركاتك بالقسم العام وهذا مو القسم المناسب لمواضيعك
كل موضوع له قسم خاص مثلا هذا الموضوع يجب ان يكون بقسم الشعر الشعبي وليس بالقسم العام ...

اخوية العزيز ارجو الإنتباه لهذه الملاحظة المهمة ....و ستقوم الإدارة بنقل مواضيعك كل موضوع في قسمه المناسب ...
تحياتي اخوك ارام
[/b]

الثلاثاء يوليو 24, 2012 5:29 pm

شكرا لاهتمامك

ومضات

ومضات

رد: ومضات

رد: ومضات