شعر لكل من يحب بصدق

الأربعاء نوفمبر 30, 2011 12:04 am

ما اعوفك ابد ماخذ عهد عالروح واقبل لو حطب للنار ترميني اتنفس هواك بزحمة الدخان واكولن هم يحن قلبه ويطفيني مو ثوب وينزعك جسمي حتى ارتاح ولا كل يوم بطبع تلكيني كمت ما ادور عزة نفس وياك بس من ينجاب طاري اسمك يبجيني

الأربعاء نوفمبر 30, 2011 12:42 am

آنه بعيونك دخت رايد جواب هاي عينك صدك لو هيه رسم

انته حته الدوخه هم داخت عليك وبيك من حلمت هم داخ الحلم

وانه خايف خاف قلمك هم يدوخ يعني تكتب غلط لو داخ القلم

اكو عدنه هواي سمران الوجوه لجن بس انته سمارك بي طعم

انته نظراتك تشمّر بالسهام وآنه هنيالي لأن طكني سهم

والله لو أصبح رئيس الوزراء أحط صورة وجهك بنص العلم

اليكلك مو حلو رب الغباء واليكلك بيك عيب اكبر غبي

انته ربك نصبك رب الجمال أذن انا اتنصب بحبك نبي

انته سابيني ولذلك راح اجيك بس احلفنك تكثر بالسبي

انته شكلك اجنبي ومو شغل بيت وراح اعبر رأيي لك بالأجنبي

يو فري بيوتفل اند كلش رقيق وانه من شفتك صرت كلش هبي
آنه من شغتك صرت كلش رقيق ومن شفت غيرك صرت رب الحزن

وأبد ماكلك رزن أظلمك حيل لأن كبلك كالو لغيرك رزن

النعرفه من العسل يسحن الروح والعسل لو ضاك شفتك ينسحن

آنه وي غيرك اموتن لا محال ومن أشوفك صدّك انه ارجع عدل

وآنه وي غيرك أعيشن ما أريد وآنه أريدك لأن بس بيك انكتل

قبل صح بخير ونعيش بأمان ولأن ماعرفك كمت اكره قبل

عقلي انته ومال اعوفك مستحيل وانته هم شايف بشر عاف العقل ؟