تم التجاوز علية واريد حقي من الادارة

اول شي احب اكول اني هاي طريقتي بالكتابة ما احب اكتب فصحى فاعذروني حبايب ثاني شي اني احب هذا المنتدى لان عفوي وبرئ وما بيه اشياء خارجة عن الحدود بمعنى مابيه نوايا سيئة ولو افترضنا اكو بس قليل لكن هو رائع بس بالفترة الاخيرة دخلوا اعضاء ميقيمون الاخر وميحترمون وميميزون بين الشقه والجد اريد من الادارة انه تنشر موضوع بهذا شي لان البارحة بدردشة صار شي جدا عيب وبحقي من عضو اسمه المملكة الساهرية جرحني بكلامه جدا اساس الموضوع انه كنا نسولف وفتحنا موضوع عادي بالشقة الى ان بدوا الاعضاء يستفزوني باسلوبهم ومع هذا كلت ماشي هذا شقه اتحمل وطلعوا نكت وضحك علية وكل هذا وسكتت الى ان العضو الي اسمه المملكة الساهرية اتجاوز علية بكلمة مو حلوة وبيئة جدا استفزني بيها حيل فقدت اعصابي وجاوبته فقط حتى ارجع كرامتي واحترامي امام الجميع واعترف جاوبته بالي اكبر منها ومتقصدة اجاوبه اكبر منها والسبب حتى يبطل هو وغيره التجاوز لان عيب لان احنا مو كاعدين بشارع واخر شي الي يجاوز علية بعد ويطول لسانه والادارة متاخذ حقي منه اني اعرف شون اخذ حقي ويعرف بنفسه منو الي اتجاوز علية ويستفزني بطريقة مقصودة واكثر من عضو خلينا نصير حبايب احسن ومن الادارة اريد حقي وهي خلي تحكم بالموضوع واريد اعتذار من جميع الي وهمه يعرفون بنفسهم اذوني شكرا

ان شاء الله حقكي يرجعلك واحنا مانرضى احد يتجاوز حدود الادب مع كل شخص لا كلنا اخوان واحباء في هذا المنتدى الجميل

اول شي اني قبلت اعتذارك لان احنا اخوة وثاني شي انت الي بديت مصطفى وحرتوا سويتوا بيه وما كلت شي ومع هذا سكتت بس استفزيتوني جدا احنا جاي نشاقه مو نغلط وانت الي بديت مو اني وعلى العموم اني ما اشيل بقلبي افرمت دائما عفا الله عما سلف بس بعد التعامل يصير بغير طريقة رسمي احسن وانت اخوية الكبير اعتبرك ويشرفني هذا الشي تحياتي الك