الى من نكر حبي

"صار سنين صابر والگلب موجوع

أضحك بالكذب وبروحي أحزاني

وأگول تهون لازم كل مصيبة تهون

أشو عند المصايب ثبت عنواني

عشت عمري غريب وبس اداوي جروح

ولا اذكر بشر في يوم داواني

شسولفلك شگلك ع الجرة بدنياي

يخلص كل حچي وماتخلص اشجاني

أنا العايش حلم واليقظة حرگة ويل

من يوم الولادة القهــــــر خاواني


فاقد كل أمل إلا بوفاك وياي

ولاغيرك يهمني ولا اريد آني

لأن بسمة شفاهك لية صارت روح

ولأن نظرة عيونك عندي شي ثاني

وأحس روحي بلهفتك من تكون وياي

وأحس بأحضانك انت الزمن يرعاني

وأريدك بس أريدك ماتغيب هواي

لأن والله بغيابك موتي يدناني

رائع بشكل بجيتني حيدر ليش هيج الله يبعد عنه الحزن والهم

بس حزينة واحساس رائع

....كلام جميل...

ممتاز يا شاعر الاحزان والله انتا والمملكه الساهريه بالفعل شعراء