همسات الجوري

انطفت شمعة حياتي واظلم الـبـيــت
وبقت بس الصور بالعين مرســــومة

افز بــلــيـل اصيح لبسمتج حـنـيـت
وروحــي بفركَـَـتج يا(جوري) ملجومة

بس عطرج بقة نسمة وتعطر البيت
والكَـَـمر بعدج يجوري خاصم نجومة

خذج مني زماني والقدر يا شمعة البيت
يريت البيت بعدج حيطانة مهجومــة

وبلحظة وداعج دمع من ناظري هليت
وبقت عبرة ابمهجتي وبالروح مكتومة

خذج مني الزمن غفلة ورحت ومشيت
وصفه الدلال بعدج سلوته هـمومـة

واجت بعيوني الصور تبسمت واحجيت
اذا ماشافن صوركم عساها عيوني معدومة

يا غنوة طفولة ابسمتج وبضحكاتج تغنيت
( احبج ) واليحب الطفل منهو اليكَدر يلومه؟

يا غنوة حياتي مثل حبج فلا حبيت
كًََلبي ينبض بأسمج يجوري بيقضته ونومة

اسمج واساميكم على اوتار الكًلب دكًيت
يا اسم الألفظة جروحي كلها تصير مألومة

ومشت روحي بضعنك بس جسد ظليت
جـسد بعدج محتركًـ واحزانة بـهـدومــة

يل مسافر خليني اعلى بالك لو تناسيت
يا شـمعة حـيـاتي ولـيـلي ونـجــومـــة

يظل بعدك يل مسافر حزين ومظلم البيت
وتظل بعيوني صوركم للأبد يا جوري مرسومة