اسئله تحتاج الى اجوبه

الجمعة أكتوبر 14, 2011 10:25 pm

مرحبا شباب

هاي اسئله اريد كل واحد ينطيني جوابه عليهه

1- دا تمشي بالشارع و على فجأة ,, فات بسمار بطركة حذائك \ حذائج ,, شسوون ؟؟؟

أ- توكفون بنص الشارع ولا حركة مثل تمثال السعدون تنتظرون البمسار يضوج و يطلع من كيفة مثل ما طب

ب- تنزعون الحذاء و تكعدون اتلطمون

ج- اتطلعون البسمار و اترزلوه و اتكلولة ايا بمسار يا ابن البسمار شكو
طبيت ما تستحي ما عندك اخوان بسامير صغار ؟ هو موصج صوج الجاكوج اللي رباك
,,,

د- اتكملون مشي و انتو اتعرجون أخ أخ أخ أخ أخ أخ

(خاص للشباب فقط)

2 - دا تحجي وية بنية جكمة و فاتت بصفك وحدة اتموت جمالها 9 رختر ,,

ا- تكول امدايه بصوت عالي

ب- تظل تباوع عليها الى ان الجكمة اتضوج

ج- ما اتباوع بس انتة اللي راح اتضوج !!

د- تعوف الجكمة و تمشي ورة الحلوة و اتغلس عال جكمة و هية دا اتصيح عليك
,, ولك وين يمعود خلي اكملك من حركت التمن و اهلي اتغدو فلافل ,,,

3- انتة \ انتي كاعدين بمحاضرة و بطنكم غازات و كامت اتقرار بصوت عالي لان نسيتو تتريكون

أ- تغني يمة كرصتني العكربة بصوت عالي بنص المحاضرة حتى اتغطي على صوت
القرقرة فيضطر الدكتور ايأشر عليك و بنفس الاصبع اياشر عال باب وراها

ب- تاكل اي شي كدامك ,, ورقة من دفتر مساحة او مقطاطة بلكت يوكف الصوت

ج- تكتب قطعة على a4 كاتب بيها (مو اني) و تكوم على حيلك بنص المحاظرة و تشيلها عبالك طالع مظاهرة زيادة الرواتب

د- تغلس و تدعي من الله تخلص المحاضرة قبل وكتها بساعتين

4- اتعرفت على وحدة بالجات و طلعت منتوفة الجهرة زعبولة القامة كعبولة الكصة و مصخمة التقاطيع و بخشمها اثر مال موس قديم ,,,

أ- تغلس و اتصيح على ابو التاكسي هوووب حجي رجعني وياك لبيتنا

ب- تفوت من يمها و تغلس بلكت تتعرف على غير وحدة

ج- تفوت من يمها تنطيها 250 حتى اتكفر عن الذنب اللي سويته انه تعرفت على هيج وحدة جكمة

د- تسلم امرك لله و تروح عليها و اتكلها سجلي بيتكم باسمي حتى اكبل وياج

5- دا اتشسورين شعرج لان عندج طلعة مهمة (معزومة بالحنة مال اخت ابن عم
رجل خالة جوارين ابو صديقتج) و انطفة الكهرباء على غفلة و نص شعرج مبلل

أ- تزينين صفر و تحلين المشكلة و تروحين اتكليلهم هههههههه باعو المودة
الجديدة ههههههههههه زيان صفر ههههههههههههههههه حلوة مو ؟
ههههههههههههههههههه

ب- تغطين شعرج بكونية مال شكر و تطلعين

ج- تضربين شعرج اوتي و تطلعين و كل ما احد يحجي حجاية فطيرة وياج اتكليلة لا والله اصلا حطيته على اول درجة
د - اصلا اتغلسين و ما تروحين و تكعدين تتفرجين حلقة ميرنا و خليل للمرة 12

6- بنص الكيا كاعد و حكيت خشمك و طلع دم

ا- تبجي و تطلب من سايق الكيا لو ايوديك لاقرب مستشفى لو ينطيك جكارة ميامي من الباكيت مالته

ب- تندار عال حجي اللي كاعد بصفك و تطلب منه كلينس بصوت عالي 5 مرات لان حاسة السمع عنده الله كريم ,,

ج- تمسح بالردن مال قميص و تغلس على كلمة عيييع من حاتة كدامك حاطة ام بي 3
و دا تسمع البوم رابح صقر الجديد حتى اتكضي ال 5 ساعات جوة الكيا

د- تفوت اصبع رجلك الجبير بخشمك حتى اتوكف النزيف و تطلب كلينس حتى تمسح اصبع رجلك

7- امج كلتلج روحي للمطبخ طفي التمن اللي عال نار

ا- تفوتين للحمام و اتصيحين بصوت عالي الطباخ انباك

ب- تفوتين للمطبخ و اتصيحين يوم العين مال طباخ منين اسويلها shut down

ج- تغلسين و اتكملين قراية مجلة بطوط مال جهال اللي جنتي تقريها

د- راسا اتجاوبيها طفيته من الميزانية

8- دا تتمشة انتة و خطيبتك و فجاة اتزحلكت و انفتك البنطرون و طلع صوت برييط

ا- اتصعد خطيبتك بتاكسي و تكعد بنص الشارع اتدك و تلطم على بنطرونك المفتوك و العالم تتجمع عليك عبالهم ميتلك واحد بزلزال هاييتي

ب- اتغلس و تمشي وية خطيبتك و بين فترة و فترة اتكللها ترة البنطرون مال
جدي الله يرحمة مو مالتي و اذا تباوعين على بنطروني اعتبري ال 13 سنة خطوبة
شفت و ديليت

ج- اول واحد تشوفه لابس بنطرون بالشارع اتوكفه و اتكلة اترواس و انطيك فرق سحاب و مناظر ؟

د- تنزع البنطرون بنص الشارع و ,,,, (عوفو هذا الاختيار لا اروح اتبند)

9- كاعدة بصاج الريف دا تاكلين وية صديقاتج و طلعتلج باللفة ذيل فارة مكصكص قطع

ا- تكملين عادي عبالج سباكيتي

ب- يغمى عليج و يحاولون يكعدوح ماكو فائدة و يجي مدير المطعم يلطم عباله احد اننتل

ج- اتطلعين الذيل و اتكملين اكل لان دافعة بيها 5000 دينار

د- اتفتحين اللفة بلكت تتعرفين على الفار نفسة و اتحاولين تساليه شديصخم جوة الصمونة و اتحاولين اتقنعيه انه هاي لفة مو مشتمل

10- رحت للحلاق و جان سكران و بدال ما ايحددلك مثل كل مرة ضربك مكينة و قبل ما تعترض لكيت نفسه شعر سيز و مزين صفر

ا- تضرب الحلاق راشدي و اتفوت الحدين مال مكص بالفتحتين مال خشمه

ب- اتجتف الحلاق و اتزينة صفر عدا وسط شعره يطلع جنة نخلة

ج- تبجي و تلطم و تسال الحلاق وين اقرب مكان يبيعون بي كاسكيتات

د- تتحجب لمدة شهر

[ندعوك للتسجيل في المنتدى أو التعريف بنفسك لمعاينة هذه الصورة]

الجمعة أكتوبر 14, 2011 11:10 pm

شكرا انهر

بس الإجابة صعبة

السبت أكتوبر 15, 2011 3:32 am

وهذا هو جوابي
ــــــــــــــــــــــــــــــــ
بت بعد بالدلال بت لاكن اشبت الياكل اشمدريه اليثرد اثبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اسئله تحتاج الى اجوبه

اسئله تحتاج الى اجوبه

رد: اسئله تحتاج الى اجوبه

اسئلة تحتاج جواب