ابوذيات منوعه

عيوني من الدمع لجن وغارن
وعليٌ حيل الهجر هدن وغارن
اموتن من تحب غيري وغارن
اريدك بس تحبني وهاي هيه...

طعم طيبك يغالي عسل وي جوز
ومنك ما يتوب الكلب ويجوز
تريد انساك بس بالموت ويجوز
تلمنه الاخره ونرجع سويه...

صرح للحب اريد ابني وقلعه
واشيلن الحزن من كلبك وقلعه
احب بغداد والبصره وقلعه
واحب كلمن سكن بالناصريه...

اسمر واملح وجهنا مالمعنا
وكتنا شبيه يضدنا ماله معنا
حبيبي النضر عكبك ماله معنا
شيفيد النظر من تبعد عليه...

يصاحب من تماشي انسان كلبه
ودور بالاساس وشوف كلبه
اذا شفته اناني وبي كلبه
تجنب ماوراه غير الاذيه...

دعيت الوكت يزهيلك ويسراك
ورفيجك انه في عسرك ويسراك
يمينك لو تعب وانشل ويسراك
يروحلك ركض وصيت اديه...