تحشيش على ديج و دجاجة واكعين بالحب

فد يووم ديج حب دجاجه وثنيناتهم واكعين بالحب


بس همة اثنينهم يستحون كلش الديج كليوم يفوت من يم الدجاجة



ويستحي فد يوم جان شارب ربع فودكا جان كال اني اليوم اصارحهه

حتى ال**** كامو يصادقون بقت عليه ولله ماجذب خبر الضهرية الناس نايمة ومتسمع غير صوت المولدات



طفر على سياج الجيران جان يصيح بااااااق هذيج كيفت شلون اثنين سرسريه




جان يذبلهة الرقم علقفص وجا ن ينهزم للبيت , عاد رجع خابرهة هوة عندة موبايل سوني اركسون ابو الأريل

ولله للفجر يسولفون ويصارح بيهة ويرجع ليورة خطية الدجاجة ملت مديكوللهة كلام حلو




كلة يحجي وياهة خيتو و اختي العزيزة مثلنة لمن نحجي بلمنتدى




جان تكلة يلا عاد مو راح ابيض بس دكولهة للدرة بس هوة هل ديج طابوكة يستحي كلش



بعدين صار الصبح و همة يسولفون بلتليفون ونسة يعوعي الفجر { تعرفون الديج لازم يعوعي الفجر }




جان تكلة بلتليفون عزة بعينك روح عوعي طلع الصبح هوة هم فز عااا وطلع يركض هوة وريشاتة




كام يصيح عيعيعوووووووووووووو




جان يجيه نعال طاير طججج على وجه من جيرانهم الديج اللاخ كالة غبي صار الصبح غير تعوعي من الفجر




هذاك اليستحي رد كالة ولله مشغول وية الحب داريد اصارحهة بس مدا اكدر




هناك وجان تجي بزونة جان اثنينهم طفرووووو دخلو للقفص




المهم صار الصبح وخلص كارت وهذا يريد يخابر الدجاجة بس كارت ماعندة



واذا يطلع يصير تشريب لان البزازين يطلعن الصبح ياكلن كلشي




المهم خطية اشتاقلهة للدجاجة كام فتح النت وكامو يسولفون



الديج : !!!buzz



الدجاجة : بق بقييييييق منو انت ؟ بهل صبح شتريد ؟



الديج : عفوا اني ديج هراتي تذكرتيني ؟



الدجاجة : أهئ أهئ { كامت تتلوك } اي اتذكرتك



الديج : همزين اتذكرتي عبالي ناسيتني



الدجاجة : كول غيرها يمعود دومك على بالي



الديج : الله يسلم بالج



الدجاجة : اكلك ترة اني اكو فسيفس خاطبني من ابوية



الديج : خرب عمي



الدجاجة : لا لاتحجي على عمك البارحة ذبحو علقبلة وطبكوه على تمن





الديج : اي ولله , راح من ضحايه البشر جبت راسة علكتة بكنتوري





الدجاجة : الله يساعدكم اني البارحة صارت فاتحة ذبحو عشيرتي سووهم تشرب أحمر



الديج : يلا كلنة على هل درب



الدجاجة : برب



الديج : تيت



ورة خمس دقايق



الديج : الوووو ؟



الديج : !!!buzz




الدجاجة : سوري كمت بيضت



الديج : لا عادي



الديج : اني اريد اكلج شي بس خايف



الدجاجة : لاااااااا لتخاف بس احجي صدقة لربك



الديج : مووو !



الدجاجة : شبيج هراتي لا مو ولا شي كول كول روح بفالك



الديج : اوكي رح اكول



الدجاجة : اي كول



الديج : أني معجب بيج جدا واحب نتزوج ونجيب **** وكتاكيت ونعيش بقفص واحد



الدجاجة :



الديج : بق بق بق بق بقييييييييق استحيتي؟



الدجاجة : اي



الديج : هسة شتكولين انتي راضية بيه



الدجاجة : اي اي طبعا




الديج : خوش لعد اليومــ أطلع ابوية تهريب من القفص وأجيب امي من سوك الغزل ونجيلكم مشاية ورح اجيبلج كونية ش***



الدجاجة : أوكي اني اليوم ازين ريشاتي واغسل بلصوندة مال حديقة

ان شاء الله عجبكم

حلوووة شكرا

يسلمووووووووو على مشاركتك الحلوة نتمنى منك المزيد

منورين المنتدى