عتاب

الجمعة سبتمبر 02, 2011 5:15 pm

شباقيلك عذر يلمانصحت وياى
كضيت وياك صبرى وما صدك عذرك
كضيت سبعين متحمل والحكت سبعين
وانت بذاك طبعك وبذاك مرك
اغض الياوكت واغفر خطاياك
وانه ادرى بجزاتى سهام غدرك
لا ياصاحب ماعفت للرجعه باب
ولا قدر حبنه عرفته وبان قدرك
خاويت السراب وتدرى احنه الماى
وبدلت الينفعك باليضرك
ماشيت العواذل تانى منهم طيب
وجافيت التودهم واوكت غرك
طعم وكتك يديلك من يضحكك يوك
وباجر بالبواجى تكضى عمرك
وحدك شيل ذنبك وابجى ع الراح
جزاك السير خويه وفات وطرك
وجاى تكلى ارجع والمضه انساه
شنسه من الذنوب وبيش اذكرك
حسافه السنين الضاعت وياك
وعجب كلبك عليهن ما تحرك
وحسافه انطيك سرى وما اضم عليك
وانت لغيرى تالى تبيع سرك
مو كلمة شماته وطبعى عنه بعيد
بس واقع كلامى الما يسرك
الدرب الينسحك مانبته تطلع بيه
وبعد بيمن تواعد حتى انطرك
منقول