ا ميت كبل بس حافظ التابوت

الثلاثاء أبريل 23, 2013 12:52 am

ما ميت كبل بس حافظ التابوت
لان كل ما انام اتحلم بنعشي
انا امبلل رموشي بدمعة المعتاز
انة دموع الفرح ما وصلت الرمشي
وكت الخير عشتة وما شفت بي خير
صاحولي ملك بس ما شفت عرشي
عندي عيون بس محسوب عل عميان
انا امفتح ولكن ما شفت كلشي
احلم بالفرج واترس الضلمة حجار
ضل هواي ليش انكول ما ضل شي
شيمشي العمر من اوصل الخمسين
انا بعشريني واكف عمري ما يمشي
عشرتي وية الوكت عشرة حياية وناي
مثل ركص الخفيف بحزني ركصتة
انة بكصتي كطرة وما ردتها اتطيح
لذالك ما كلت عل طين البكصتة
انة احسب احساب الكاع من تنداس
خيال الشجرة امر من يمة ما دستة
فرعت الشمس ما لبستهة حجاب
وبجف الشمس خفاش حجبتة
اغزر بالملح واسأل علية الزاد
انا المملوح بية تملحت شفتة
علة ضهر الجبل لو راد اصير حزام
لكن بالترافة الطير دوختة
علمت الصبح يلبس وجه فيروز
ضميت الونين بعالم السكتة
بير اسرار كلبي وشامرة بنص بير
صح مضموم بس عيوني فاضحتة
ارسم عل خناجر مو ضهور كراب
علموني الغدر بس ما تعلمتة
ولهذا السبب يومية جاي انداس
وغدر بية البخيت الطايح ابختة