نلوم اعله الوكت ونكول بيه الصوج

الإثنين سبتمبر 24, 2012 8:15 am

نلوم اعله الوكت ونكول بيه الصوج
واحنه الصوج بينه ومنــــه نتبره
وتيهنه الصدك ودروبه صارت خوف-
واليحجي الصدك بيناتنه نكفره
وطلكنه الوفــــه والبخت بعناه-وبكيفه الضمير شيحكم نعذره
ونشال الحيه وماظل بعد عيب
وقليل العدنه ظل بكصتة الكطره
لئن كلشي تغيرصار بالمكلوب
والحك ثوب رايد يلبس يستره
هسه الحك صفه خجلان عدنه اليوم
...والباطل الـــــوادم كامت تقدره
اي تاهت صدك والزين صارالشين
وتيهنه وكتنه بليلــــــه وبظهره
وصلآ مانميز بين هــــذا وذاك-والمايدخل عقلنه نبعـــده ونكره
ونحكم بالنريده وماكوكل تبرير
مــــــادام اقتنعنه بمحور الفكره
جاغيــر انتأكد والحكم بعدين-ليش احنه انتسرع والحجي انصطره
نتئنه بحكمنه ومانحط تخمين-وندرس
بالامــر ونحقق بسره اذا موشوف عين اشينفع التخمين
موسهلـــه القضيه كتبه لوطره
اهوالواقع يكول وماكوكل تعليل-
بس طبع الحقيقةاعله البشرمره
مثل الي تحبه اتشوف بيه الخير-
لاكن من تكره تشوف كل شره
لئن عقل البشر ظاهر وباطن بيه-
ومحدود الاطاروهـــذا كد فكره
اخذلك خيط وبره وصله من قماش-
بس ظهرالقماش بعينك تنضره
اذن تكدرتشوف الظاهر المكشوف-
وماتكدر تشوف الشافته الابره
واضح كل كلامي وماكوكل الغاز-
بس وين اليقيم الحجي ويفسره
كلمن ملتهي يدني لكرصتةالنار
وكلمن رادته والمهم بس امره
وعله السانه المبادى والقيم جيلات-
ومخبل الرايــــد يعترض امره
وشحدك تعترض لن ماألك كل راي-
بس رايه الاصح مستنبطه فكره
وكلمن يعترض رايد لنفسه الموت
واليسكت الوادم باجر تعيره
الميت ماسلم والسكت عاش بعار

ونظل لياوكت ويه الجهل نبره