يل رحت عني بلا وداع شلون

السبت سبتمبر 22, 2012 6:38 pm

مشـه جدمـك تعنـه الخطوة الفركَـه
انـه لأجلـك مشـيت اعـله الجـروح
حتـه الكَـاك يل مالك ابد ملكَـه
حضنه اجروحنـه وقررنه احنه الموت
لأن ضيعنه الدرب ماضن بعد نلكَة
شلون ارحلت وانته الكحل للعين
والموقـف صعـب وتريد اصدكَة
الشماتـه التمو عـلي وسمعت صوت
هلهولـه وضحك وسمعت صفكَة
شكد صعبه نلـبس ثوب فرحان
واحنه بروحنـه الشهكَـات خنكَـه
يمر طيفك غفل وتهل الادموع
وتسحـك همي بعيونك تسحكَة
حزن شايل اهواي بعيني مرلي شبيك
وبنيران جيتـك رايد تحركَه
لشوكت اضلن انتظر انه مليت
منين الخلـــكَـ كّلبـي انكسر خلكّه
شتحمل بعـد ارجوك مر بطيف
مر شوف لمشيتـــك عيني تتلكَة
شجرة بغيـابـك صرت مابيهة اوراكَـ
بـس باقـي جذعهة بطرك وركَة
ليش احس تعتب علي ذكراك
ومـن اضحك الوم بشفتي الضحكة
كوة اجره النفــس اتنخه الاعناد
واحس كّلبي بغيابك دكَته تسبكَه
تدري انتـه الوحيد المكدرت انسـاك
وانقفـل فرحي برحيـلك بالقفـل سركَه
جربت اضحك تدري انته شصآر؟
طاحت شفتــي ولزمتـني شهكَه
جيـاتك عـلي كثرهن بالأأحـلام
لأن حلمـي لمجيئك منتظر ملكَـه
لأن حلمـي لمجيئك منتظر ملكَـه
.....

جنت قـانون كّلبي وجنت .. ملكــه
صبرت اهـواي انـه انتظـر .. ملكَـــه
دورلـك اعذآر الكّلب عجزٍ .. م لكَـه

لكـه روحـي تبجيـلك مر عليـه