مسلسل حبنه مات البطل مكتول

الإثنين سبتمبر 17, 2012 9:42 pm

حرت مابين اعوفك وأبقى وياك
عشت مكسور مثل جناح طيره
صار سنين اعلمك مانفع وياك
وتعاندني ادري بحجة الغيره
كافي استحي ولا تحجي وجهين
وجه واحد احجي الثاني ديره
حبيتك ردت انسه كلشي وياك
ماريد اسمي اسمعه بألف سيره
طاوعني مره شتخسر انته وياي
لو تحسبهه ذله وعندك جبيره
عشت قصت ملك عمري وياك
مخلص للشعب بس ماكو اميره
تدري بنيتي صافي وماأغش بيوم
وأنته بخطوه خطوه تسوي خيره
مسلسل حبنه مات البطل مكتول
وبعد ماريد اشوف الحلقه اخيره